20 кастрычніка, Брусель /БЕЛТА - ТАСС/. Еўракамісія прапанавала вядучым сусветным правайдарам правесці "чыстку" інтэрнэту "для знішчэння матэрыялаў тэрарыстычнага зместу". Аб гэтым паведаміў сёння еўракамісар па пытаннях міграцыі, унутраных справах і грамадзянстве Дзімітрыс Аўрамапулас у інтэрв'ю бельгійскай газеце "Суар".
"Мы вядзём перагаворы з вядучымі ігракамі сусветнага інфармацыйнага рынку, уключаючы Google і Microsoft, з мэтай знішчэння з прыналежных ім рэсурсаў паведамленняў радыкальнага або тэрарыстычнага зместу. Афіцыйны заклік Еўракамісіі да ўсіх правайдараў сусветнай сеткі будзе агучаны 2 снежня ў Бруселі", - сказаў ён.-0-
