15 студзеня, Мінск /Кар. БЕЛТА/. ЕС плануе распрацаваць механізм выяўлення і спынення распаўсюджвання выдуманых навін. Аб гэтым паведамляе ТАСС са спасылкай на заяву еўракамісара па лічбавай эканоміцы і грамадстве Марыі Габрыэль.
Сёння адбылося першае пасяджэнне групы з 40 экспертаў па процідзеянні распаўсюджванню выдуманых навін.
"Выдуманыя навіны - гэта тэндэнцыя, якая пашыраецца з палохаючай хуткасцю. Яна ставіць пад пагрозу рэпутацыю СМІ і эфектыўнасць саміх дэмакратычных інстытутаў. Таму Еўракамісія мае намер распрацаваць механізм выяўлення і спынення выдуманых навін. Гэта задача абмяркоўвалася сёння на першай сустрэчы рабочай групы па выдуманых навінах", - сказала Марыя Габрыэль.-0-
