26 верасня, Мінск /БЕЛТА - ТАСС/. Колькасць ахвяр ДТЗ на Кубані павялічылася да 7 чалавек. Аб гэтым паведамляе ТАСС са спасылкай на краёвую бальніцу Краснадарскага края.
Паводле даных паліцыі, пасажырамі аўтобуса былі паломнікі, якія ехалі з Абхазіі ў Ніжні Ноўгарад. Сутыкненне адбылося на трасе М-4 "Дон".
Вядома, што тры чалавекі, у тым ліку вадзіцель аўтобуса, загінулі на месцы аварыі, двое памерлі па дарозе ў бальніцу. Паводле абноўленых даных, ужо два чалавекі памерлі ў сценах бальніцы. З месца аўтакатастрофы ў бальніцы дастаўлены 18 з 26 чалавек, якія знаходзіліся ў аўтобусе.-0-