20 сакавіка, Мінск /Кар. БЕЛТА/. Былы прэзідэнт Францыі Нікаля Сарказі ўзяты пад варту для дачы паказанняў па справе аб парушэннях пры фінансаванні палітычных кампаній. Аб гэтым паведамляе Reuters, спасылаючыся на крыніцы ў судзе.
Паліцыя Францыі затрымала Нікаля Сарказі для расследавання мяркуемага незаконнага фінансавання яго перадвыбарнай кампаніі на выбарах 2007 года.
Як паведамляе Le Monde, сёння раніцай Нікаля Сарказі прыбыў на слуханні ў Нантэры, дзе быў узяты праваахоўнікамі пад варту.
Нікаля Сарказі займаў пасаду прэзідэнта Французскай Рэспублікі з 2007 па 2012 гады.-0-
