29 сакавіка, Мінск /Кар. БЕЛТА/. Еўракамісія блакіравала здзелку па аб'яднанні буйнейшых аператараў фондавых рынкаў ЕС і Вялікабрытаніі - Лонданскай і Франкфурцкай біржаў, перадае ТАСС.
У паведамленні Еўракамісіі рашэнне заблакіраваць здзелку тлумачыцца антыманапольным заканадаўствам. У прыватнасці, дзвюм названым гандлёвым пляцоўкам належаць усе асноўныя еўрапейскія клірынгавыя дамы, таму ў выпадку зліцця біржаў у Еўропе ўзнікне манаполія ў клірынгавым бізнесе.
"Еўракамісія не можа дазволіць стварэнне манаполіі, а гэта менавіта тое, што адбылося б у гэтым выпадку", - сказала еўракамісар па канкурэнцыі Маргрэтэ Вестагер.-0-