21 верасня, Мінск /Кар. БЕЛТА/. Два самаробныя ўзрыўныя ўстройствы абясшкоджаны ў Бішкеку, паведамляюць інфармацыйныя агенцтвы.
Як інфармуе Дзяржаўны камітэт нацыянальнай бяспекі Кыргызстана, узрыўныя ўстройствы былі знойдзены ў адным са спальных раёнаў горада каля магазіна. Яны знаходзіліся ў чорных поліэтыленавых пакетах.
Сапёры, якія выехалі на месца, абясшкодзілі небяспечную знаходку. Ахвяр і разбурэнняў няма.
Цяпер праводзяцца аператыўна-вышуковыя мерапрыемствы.-0-