27 чэрвеня, Пекін /БЕЛТА - Сіньхуа/. Другі апоўзень сышоў сёння раніцай на тэрыторыі вёскі Сіньма ў правінцыі Сычуань (Паўднёва-Заходні Кітай), паведамілі мясцовыя ратавальнікі.
У выніку здарэння ніхто не пацярпеў, паколькі раён быў ачэплены пасля папярэджання аб апоўзнях, апублікаванага ў панядзелак. Паводле даных спецыялістаў, у ходзе апоўзня абрушылася каля сотні кубаметраў грунту.
Папярэдні апоўзень сышоў на вёску 24 чэрвеня. Пад слоем грунту былі пахаваны 62 будынкі, без вестак прапалі 93 чалавекі.-0-
