9 верасня, Мінск /Кар. БЕЛТА/. Брытанская авіякампанія British Airways адмяніла больш за 1,5 тыс. рэйсаў з-за забастоўкі пілотаў, якая прадоўжыцца 9 і 10 верасня, паведамляе брытанская газета The Daily Telegraph.
Забастоўка, якая пагражае стаць самай вялікай у гісторыі авіякампаніі, закране 280 тыс. кліентаў авіякампаніі. British Airways раіць пасажырам, рэйсы якіх адменены, не прыязджаць у аэрапорт. Падарожнікам прапанавалі поўную кампенсацыю кошту білетаў, магчымасць зрабіць авіярэйс у іншы дзень або скарыстацца паслугамі іншых авіякампаній.
Прычынай забастоўкі сталі патрабаванні пілотаў кампаніі аб павышэнні зарплат і паляпшэнні ўмоў працы. Паводле інфармацыі The Daily Telegraph, канфлікт пачаўся пасля таго, як Брытанская асацыяцыя пілотаў авіякампаній (BALPA) адхіліла прапанову British Airways аб павышэнні зарплаты для сваіх пілотаў на 11,5 працэнта на працягу трох гадоў. Прафсаюз упэўнены, што гэтага недастаткова, паколькі фінансавае становішча кампаніі дазваляе ёй зрабіць сваім супрацоўнікам лепшую прапанову.-0-
