25 студзеня, Мінск /Кар. БЕЛТА/. На Філіпінах эвакуіравана больш як 75 тыс. чалавек з-за пагрозы вывяржэння вулкана Маён, паведамляюць інфармагенцтвы са спасылкай на Нацыянальны савет па кіраванні ў надзвычайных сітуацыях (NDRRMC).
Большасць з пацярпелых знаходзяцца ў цэнтрах эвакуацыі. Іх арганізавана больш за 65.
У ноч на 25 студзеня былі зафіксаваны выкіды лавы на вышыню 400-500 м, слупы попелу ўзнімаюцца на вышыню 3-5 км.
У сувязі з павелічэннем сейсмічнай актыўнасці і выкідамі лавы інстытутам вулканалогіі і сейсмалогіі Філіпін (Phivolcs) быў устаноўлены чацвёрты (перадапошні) узровень небяспекі вывяржэння вулкана. На тэрыторыі правінцыі Албай прыпынены вучэбныя заняткі. Самалётам грамадзянскай авіяцыі рэкамендуецца пазбягаць палётаў паблізу вулкана.-0-