25 ліпеня, Мінск /Кар. БЕЛТА/. На цырымоніі адкрыцця ХХХI летніх Алімпійскіх гульняў у Рыа-дэ-Жанэйра чакаецца прысутнасць больш як 40 кіраўнікоў дзяржаў і ўрадаў з усяго свету, паведамляюць інфармацыйныя агенцтвы.
Акрамя таго, 5 жніўня, у дзень адкрыцця Алімпіяды-2016 на трыбунах легендарнага стадыёна "Маракана", што ўмяшчае амаль 80 тыс. гледачоў, будуць прысутнічаць больш як 50 міністраў спорту.
На Алімпійскіх гульнях у Рыа будзе разыграна рэкордная колькасць камплектаў узнагарод - 306 у 33 відах спорту. Арганізатары чакаюць, што ў спаборніцтвах прымуць удзел 206 нацыянальных каманд, што таксама з'яўляецца рэкордам за ўвесь час правядзення Алімпіяд. Першыя ў гісторыі Гульні ў Паўднёвай Амерыцы завершацца 21 жніўня.-0-