8 снежня, Мінск /Кар. БЕЛТА/. Больш як 1400 турыстаў апынуліся ў палоне шторму на індыйскіх Андаманскіх астравах, паведамляюць інфармагенцтвы.
Правесці эвакуацыю пакуль няма магчымасці. Чатыры ваенныя караблі знаходзяцца за 50 км ад астравоў у чаканні магчымасці падысці да іх, каб адвезці людзей у сталіцу архіпелага горад Порт-Блэр.
У раёне астравоў Хавелок і Ніл (Нейл) бушуе моцны шторм і ідзе трапічны лівень. Метэаролагі прагназуюць паляпшэнне надвор'я на працягу 48 гадзін, калі цыклон пачне перамяшчацца на захад.
Андаманскія астравы ў Індыйскім акіяне прывабліваюць аматараў марскога адпачынку і падводнага плавання.-0-