17 лютага, Мінск /Кар. БЕЛТА/. Выбраны прэзідэнт Туркменістана Гурбангулы Бердымухамедаў уступіў на пасаду, паведамляюць інфармагенцтвы.
Цырымонія інаўгурацыі прайшла сёння ў Ашхабадзе. Нававыбраны прэзідэнт даў клятву выконваць ускладзеныя на яго абавязкі, абараняць дзяржаўную незалежнасць і статус нейтралітэту Туркменістана, прысвяціць сілы яднанню туркменскага народа, абароне яго мірнага жыцця, верай і праўдай служыць свайму народу.
Гурбангулы Бердымухамедаў перамог на прэзідэнцкіх выбарах, якія прайшлі ў Туркменістане 12 лютага. За яго прагаласавалі 97,69 працэнта выбаршчыкаў. Прэзідэнт выбраны на сямігадовы тэрмін, што прадугледжана новай Канстытуцыяй.-0-
