11 кастрычніка, Сочы /Міхаіл Маціеўскі - БЕЛТА/. Прэзідэнт Туркменістана Гурбангулы Бердымухамедаў у час двухбаковых перагавораў з Прэзідэнтам Расіі Уладзімірам Пуціным у Сочы падарыў яму шчаня алабая, перадае карэспандэнт БЕЛТА.
Кіраўнік Туркменістана павіншаваў расійскага лідара з днём анёла. Ён адзначыў, што алабай стаў асноўным сімвалам праведзеных у краіне Азіяцкіх гульняў і будзе для расійскага лідара верным сябрам.
Алабай - старажытная парода сярэднеазіяцкіх аўчарак. У Туркменістане чыстакроўныя сярэднеазіяты лічацца нацыянальным здабыткам і нават забаронены да вывазу з краіны.-0-