30 сакавіка, Мінск /Кар. БЕЛТА/. Буйное дарожна-транспартнае здарэнне адбылося ў амерыканскім штаце Тэхас. Як перадаюць інфармагенцтвы, аўтобус з прыхаджанамі баптысцкай царквы разбіўся пры сутыкненні з пікапам. Ахвярамі аварыі сталі 12 чалавек, яшчэ трое шпіталізаваны ў цяжкім стане.
Усё здарылася на адной з трас у паўднёва-заходняй частцы штата, за 120 км на захад ад горада Сан-Антоніа. Удакладняецца, што прыхаджане баптысцкай царквы горада Нью-Браўнфелс вярталіся дадому з трохдзённай загараднай паездкі.
Цяпер паліцэйскія праводзяць расследаванне здарэння.-0-
