23 мая, Мінск /Кар. БЕЛТА/. У Японіі з-за гарачыні за мінулы тыдзень шпіталізавалі амаль тысячу чалавек, паведамляюць інфармагенцтвы.
Большасць пацярпелых - жыхары Токіа, а таксама прэфектур Осака, Хіёга, Сайтама, Канагава і інш. Каля палавіны дастаўленых у бальніцы з цеплавымі ўдарамі - людзі старэйшыя за 65 гадоў.
Гарачыня ўсталявалася ў Японіі 20 мая. Тэмпература ў некаторых рэгіёнах перавышае ў цені плюс 30 градусаў па Цэльсіі. Паводле прагнозаў сіноптыкаў, гарачае надвор'е ў бліжэйшыя дні захаваецца на большай тэрыторыі краіны.-0-