24 чэрвеня, Мінск /Кар. БЕЛТА/. Колькасць ахвяр урагану ў горадзе Яньчэн і іншых раёнах усходняй кітайскай правінцыі Цзянсу дасягнула 98 чалавек, паведамляюць інфармагенцтвы.
Раненні атрымалі амаль 800 чалавек.
Кітайская правінцыя Цзянсу ператварылася ў раён бедства ў выніку тарнада 23 чэрвеня. За гадзіну выпала 102 мм ападкаў. Стыхія разбурыла дамы, пашкодзіла лініі электраперадачы. Павалены дрэвы, перавернуты аўтамабілі.
Для пацярпелых накіравана гуманітарная дапамога, уключаючы палаткі і ложкі.
Ураган у горадзе Яньчэн стаў самым магутным з 1966 года.-0-