11 студзеня, Астана /БЕЛТА - КАЗІНФАРМ/. Аэрапорт Астаны закрыты з-за складаных метэаўмоў, перадае агенцтва "Казінфарм" са спасылкай на Камітэт грамадзянскай авіяцыі.
"Міжнародны аэрапорт Нурсултан Назарбаеў Астаны ў мэтах забеспячэння бяспекі палётаў па прычыне метэаўмоў закрыты папярэдне да 13.00 па часе Астаны. Пасажырам рэкамендуецца ўдакладняць інфармацыю па сваіх рэйсах у кол-цэнтрах авіякампаній", - паведамляецца на старонцы Камітэта ў Facebook.
Моцная мяцеліца, якая суправаджаецца ўзмацненнем ветру, таксама стала прычынай адмены заняткаў у школах, а таксама для студэнтаў 1-2-х курсаў каледжаў Астаны, прыпынены рух прыгарадных аўтобусаў, жыхарам і гасцям сталіцы рэкамендавана без крайняй неабходнасці не выходзіць на вуліцу.
У сувязі з умовамі надвор'я таксама закрыты аэрапорт Какшэтау, паводле папярэдніх даных, да 16.00 па мясцовым часе.
З-за непагоды штармавое папярэджанне аб'яўлена 11 студзеня ў 6 абласцях Казахстана.-0-
