23 чэрвеня, Мінск /Кар. БЕЛТА/. Зборныя Бельгіі і Ірландыі сталі апошнімі ўдзельнікамі 1/8 фіналу футбольнага чэмпіянату Еўропы ў Францыі, паведамляе карэспандэнт БЕЛТА.
У заключным туры спаборніцтваў у групе абодва паядынкі завяршыліся з аднолькавым вынікам 1:0. Каманда Ірландыі абыграла лідара Італію, а Бельгія была мацнейшая за Швецыю. Галоўная зорка шведаў Златан Ібрагімавіч так ні разу і не вызначыўся на гэтым першынстве і вырашыў завяршыць кар'еру ў нацыянальнай зборнай. Падагульняючае становішча: Італія - 6 ачкоў (розніца мячоў - 3-1), Бельгія - 6 (4-2), Ірландыя - 4 (2-4), Швецыя - 1 (1-3).
Такім чынам, цяпер вядомы склады ўсіх пар першага раўнда плэй-оф Еўра-2016:
25 чэрвеня
Швейцарыя – Польшча,
Уэльс - Паўночная Ірландыя,
Харватыя - Партугалія.
26 чэрвеня
Францыя - Ірландыя,
Германія - Славакія,
Венгрыя - Бельгія.
27 чэрвеня
Італія – Іспанія,
Англія – Ісландыя.
Лепшымі бамбардзірамі кантынентальнага першынства цяпер з'яўляюцца валіец Гарэт Бейл і іспанец Альвара Марата, у актыве якіх па 3 галы.-0-