30 верасня, Мінск /Кар. БЕЛТА/. Сусветнае антыдопінгавае агенцтва (WADA) на сайце арганізацыі апублікавала новы спіс рэчываў, якія будуць забаронены спартсменам для ўжывання, паведамляюць інфармацыйныя агенцтвы.
Абноўлены спіс будзе актуальны з 1 студзеня 2017 года.
Спартсмены, трэнеры і медспецыялісты маюць дастатковую колькасць часу, каб азнаёміцца з інфармацыяй і выключыць з ужывання тыя прэпараты, якія там значацца. Паведамляецца, што ў гэтым спісе мельдоній застаўся.
Спіс абнаўляецца кожны год. Гэта адбываецца за тры месяцы да яго ўступлення ў сілу.-0-