2 снежня, Мінск /Кар. БЕЛТА/. Беларуская спартсменка Вольга Федаровіч заваявала серабро ў рапідзе на чэмпіянаце Еўропы па шашках-100, які прайшоў у Нетаніі (Ізраль), паведамляе карэспандэнт БЕЛТА.
У суме беларуска набрала 12 балаў і размясцілася на другой пазіцыі падагульняючага пратакола. На вышэйшую прыступку п'едэстала гонару паднялася ўкраінка Вікторыя Матрычка (14 ачкоў). Бронзавая ўзнагарода дасталася расіянцы Тунаары Фёдаравай (11 пунктаў).
У бліцы Вольга Федаровіч заняла 10-е месца.-0-