2 жніўня, Мінск /Кар. БЕЛТА/. Беларуская тэнісістка Вікторыя Азаранка (108-ы нумар сусветнага рэйтынгу) выйшла ў чвэрцьфінал турніру катэгорыі "Прэм'ер" у амерыканскім Сан-Хасэ з прызавым фондам 733 тыс., паведамляе карэспандэнт БЕЛТА.
У паядынку другога раўнда Азаранка павінна была сустрэцца з сёмай ракеткай планеты іспанкай Гарбінье Мугурусай, але тая знялася з турніру і саперніцай беларускі стала Ганна Блінкова (101). Вікторыя была значна мацнейшай за 19-гадовую расіянку, аддаўшы ёй толькі 1 гейм - 6:1, 6:0. Сустрэча доўжылася ўсяго 59 мінут. Цяпер у матчы за выхад у паўфінал Вікторыя Азаранка сустрэнецца з амерыканкай Даніэль Роуз Колінс (42), якая напярэдадні выбіла са спаборніцтваў беларуску Веру Лапко (69) - 6:1, 3:6, 6:1. У стартавым раўндзе Вікторыя Азаранка перамагла ўкраінку Кацярыну Бандарэнка (79), а Вера Лапко перамагла кітаянку Чжан Шуай (32)
У парным разрадзе беларуска Арына Сабаленка і амерыканская тэнісістка Сафія Кенін перамаглі ў 1/8 фіналу амерыкана-парагвайскі тандэм Ірына Фальконі / Вераніка Сепедэ - 6:4, 6:1.-0-
