22 мая, Мінск /Кар. БЕЛТА/. Беларуская тэнісістка Вікторыя Азаранка плануе вярнуцца на корт яшчэ да Уімблдонскага турніру, які стартуе 3 ліпеня. Аб гэтым яна напісала ў сацсетках, паведамляе БЕЛТА.
Вікторыя Азаранка паведаміла сваім балельшчыкам, што трэніровачны працэс ідзе добра, і яна адчувае, што гатова ў хуткім часе выступіць на спаборніцтвах. Тэнісістка збіраецца згуляць на адным з іх травяных турніраў перад "Уімблдоном", а на якім менавіта, стане вядома ў бліжэйшыя дні.
Экс-першая ракетка планеты Вікторыя Азаранка нарадзіла сына ў снежні 2016 года і цяпер набірае форму пад кіраўніцтвам вядомага амерыканскага трэнера Майкла Джойса. Раней Вікторыя гаварыла, што хоча вярнуцца ў прафесійны тур на спаборніцтвы ў амерыканскім Стэнфардзе, якія пройдуць з 31 ліпеня па 6 жніўня.-0-