6 сакавіка, Мінск /Кар. БЕЛТА/. Біятланіст Уле-Эйнар Б'ёрндален выступіць на сёмым этапе Кубка свету ў фінскім Контыялахты. Такое рашэнне прыняў трэнерскі штаб нарвежскай каманды, паведамляе карэспандэнт БЕЛТА.
Васьміразовы алімпійскі чэмпіён заменіць у складзе Эміля Хегле Свендсэна, які прыхварэў.
Як паведамлялася, Уле-Эйнару Б'ёрндалену не ўдалося адабрацца ў нацыянальнай камандзе на Алімпійскія гульні ў Пхёнчхане з-за нізкіх рэзультатаў у ходзе сезона ў параўнанні з партнёрамі па зборнай.
У агульным заліку Кубка свету-2017/2018 адзін з самых тытулаваных біятланістаў свету з 74 ачкамі займае 47 месца. Сёмы этап Кубка свету ў Контыялахты стартуе 8 сакавіка мужчынскай спрынтарскай гонкай на 10 км.-0-