Мабільная версія
ДЗЯРЖОРГАНЫ
Апошнія навіны
Усе навіны

У кіраўніцтве ХК "Дынама-Мінск" адбыліся змяненні

Спорт 19.04.2017 | 10:55

19 красавіка, Мінск /Кар. БЕЛТА/. У кіраўніцтве ХК "Дынама-Мінск" адбыліся змяненні. Выконваючым абавязкі першага намесніка генеральнага дырэктара назначаны Сяргей Апімах, які змяніў на гэтай пасадзе Паўла Бурбу, намеснікам генеральнага дырэктара па эканамічных пытаннях стаў Дзмітрый Нагайчанка, паведамілі БЕЛТА ў прэс-службе каманды.

"Паўлу Бурбе было прапанавана прадоўжыць работу ў клубе, аднак ён прыняў рашэнне не прадаўжаць кантракт. Такім чынам, кіраўніцтва клуба даверыла пасаду першага намесніка генеральнага дырэктара, пакуль у статусе выконваючага абавязкі, Сяргею Апімаху. Гэты спецыяліст даўно працуе ў "Дынама-Мінск", набыў вялікі вопыт, і хоць ён ніколі не быў на першых ролях, але выконваў вялікі аб'ём работы, непрыкметны шырокай публіцы. У мяне няма сумненняў, што ён дастойна справіцца з пастаўленымі задачамі. У кола абавязкаў першага намесніка будуць уваходзіць спартыўныя пытанні, фарміраванне каманды на наступны сезон. Ён павінен будзе аказаць кваліфікаваную дапамогу трэнерскаму штабу ў падборы ігракоў", - расказаў генеральны дырэктар ХК "Дынама-Мінск" Анатоль Курылец.

У мінскім клубе таксама з'явіўся намеснік генеральнага дырэктара па эканамічных пытаннях. Ім стаў Дзмітрый Нагайчанка, які раней узначальваў філіял "Дынама" ў Маладзечне. "Вырашэнне эканамічных пытанняў, задача зарабляння грошай з'яўляецца важнейшай для нашага клуба. Спадзяюся, што новы чалавек на гэтым напрамку надасць клубу неабходны імпульс развіцця", - падкрэсліў Анатоль Курылец.-0-

Версія для друку
Навіны рубрыкі Спорт
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Зарплата ў жніўні Белстат апублікаваў даныя аб намінальнай налічанай сярэдняй заработнай плаце работнікаў у жніўні 2017 года па асобных відах эканамічнай дзейнасці.