22 лістапада, Мінск /Кар. БЕЛТА/. Турэцкі "Бешыкташ" упершыню прабіўся ў плэй-оф футбольнай Лігі чэмпіёнаў, паведамляе карэспандэнт БЕЛТА.
У Стамбуле ў матчы 5-га тура "Бешыкташ" згуляў унічыю з партугальскім "Порту" 1:1 і заваяваў адну з дзвюх пуцёвак у 1/8 фіналу. У іншым паядынку групы G футбалісты нямецкага "Лейпцыга" разграмілі на выездзе "Манака" з лікам 4:1. Турнірнае становішча пасля 5 тураў: "Бешыкташ" - 11 (9-4), "Порту" - 7 (10-8), "Лейпцыг" - 7 (9-9), "Манака" - 2 (4; 3-7).
Маскоўскі "Спартак" у сябе дома не змог адолець славенскі "Марыбар", завяршыўшы гульню ўнічыю - 1:1. У гульні двух фаварытаў групы Е футбалісты іспанскай "Севільі" ўступалі англійскаму "Ліверпулю" пасля першага тайма з лікам 0:3, але ў выніку змаглі выратаваць гульню - 3:3. Турнірнае становішча: "Ліверпуль" - 9 (16-6), "Севілья" - 8 (11-11), "Спартак" - 6 (9-6), "Марыбар" - 2 (2-15).
Лідар групы F англійскі "Манчэстэр Сіці" выйграў 1:0, а італьянскі "Напалі" разграміў данецкі "Шахцёр" - 3:0. Турнірнае становішча: "Манчэстэр Сіці" - 15 (13-3), "Шахцёр" - 9 (7-8), "Напалі" - 6 (10-9).
У групе Н нямецкая "Барусія" ў Дортмундзе ўступіла англійскаму "Тотэнхэму" 1:2, дзеючы пераможца Лігі чэмпіёнаў мадрыдскі "Рэал" атрымаў вікторыю ў гасцях у АПОЭЛа - 6:0. Турнірнае становішча: "Тотэнхэм" - 13 (12-4), "Рэал" - 10 (14-5), "Барусія" - 2 (5-10), АПОЭЛ - 2 (2-14).
Сёння сустрэчы перадапошняга тура адбудуцца яшчэ ў чатырох квартэтах:
А - ЦСКА (Масква, Расія) - "Бенфіка" (Лісабон, Партугалія), "Базель" (Швейцарыя) - "Манчэстэр Юнайтэд" (Англія). Становішча пасля чатырох тураў: "Манчэстэр Юнайтэд" - 12 (10-1), "Базель" - 6 (8-5), ЦСКА - 6 (5-8), "Бенфіка" - 0 (1-10).
В - "Андэрлехт" (Брусель, Бельгія) - "Баварыя" (Мюнхен, Германія), "Пары Сен-Жэрмен" (Францыя) - "Селтык" (Глазга, Шатландыя). Становішча каманд: "Пары Сен-Жэрмен" - 12 (17-0), "Баварыя" - 9 (8-4), "Селтык" - 3 (4-10), "Андэрлехт" - 0 (0-15).
С - "Карабах" (Агдам, Азербайджан) - "Чэлсі" (Лондан, Англія), "Атлетыка" (Мадрыд, Іспанія) - "Рома" (Італія). Становішча каманд: "Рома" - 8 (8-4), "Чэлсі" - 7 (11-7), "Атлетыка" - 3 (2-3), "Карабах" - 2 (2-9).
D - "Ювентус" (Турын, Італія) - "Барселона" (Іспанія), "Спортынг" (Лісабон, Партугалія) - "Алімпіякас" (Пірэй, Грэцыя). Становішча каманд: "Барселона" - 10 (7-1), "Ювентус" - 7 (5-5), "Спортынг" - 4 (5-6), "Алімпіякас" - 1 (3-8).
Пропускі ў 1/8 фіналу Лігі чэмпіёнаў ужо забяспечылі сабе 6 каманд: "Пары Сен-Жэрмен", "Баварыя", "Манчэстэр Сіці", "Бешыкташ", "Тотэнхэм", "Рэал".-0-
