22 лютага, Пхёнчхан /Кар. БЕЛТА/. Снаўбардыстка з Аўстрыі Анна Гасер перамагла на Алімпійскіх гульнях у дысцыпліне біг-эйр, паведамляе карэспандэнт БЕЛТА.
Па суме трох спроб яе рэзультат - 185,00 бала. Сярэбраную ўзнагароду Гульняў заваявала прадстаўніца ЗША Джэймі Андэрсан (177,25), на трэцюю прыступку п'едэстала гонару ўзнялася новазеландка Зоі Садоўскі-Сінот (157,50). Для Новай Зеландыі гэта другая ўзнагарода за час выступлення на зімовай Алімпіядзе.
Залаты медаль Анны Гасер стаў пятым для каманды Аўстрыі на бягучых Алімпійскіх гульнях, усяго ў актыве аўстрыйскай каманды 11 медалёў (5+2+4).-0-