Сцяг Чацвер, 28 сакавіка 2024
Усе навіны
Усе навіны
Спорт
09 верасня 2019, 14:51

Рэгіянальны цэнтр па лёгкай атлетыцы можа быць створаны ў Беларусі

9 верасня, Мінск /Аліна Грышкевіч - БЕЛТА/. Рэгіянальны цэнтр па лёгкай атлетыцы можа быць створаны ў Беларусі. Аб гэтым паведаміў журналістам, адказваючы на пытанне карэспандэнта БЕЛТА, прэзідэнт Міжнароднай асацыяцыі лёгкаатлетычных федэрацый (ІААФ) Себасцьян Коэ па выніках перагавораў з кіраўніком дзяржавы Аляксандрам Лукашэнкам.

Себасцьян Коэ падкрэсліў, што гэта тэма сёння была ў ліку разглядаемых на перагаворах з Прэзідэнтам Беларусі. І калі яна будзе рэалізавана, то ў краіне будуць весці падрыхтоўку лёгкаатлетаў высокага ўзроўню.

Кіраўнік Міжнароднай асацыяцыі лёгкаатлетычных федэрацый выказаў меркаванне, што ў Беларусі, як нідзе, разумеюць важнасць развіцця спорту. Ён падзякаваў беларускаму боку за ўзаемадзеянне ў развіцці лёгкай атлетыкі, а таксама ў барацьбе з допінгам. "Мы сапраўды дасягнулі вялікага прагрэсу", - лічыць Себасцьян Коэ.

Ён падкрэсліў, што на сённяшняй сустрэчы была яшчэ адна магчымасць падкрэсліць, што спорт становіцца мосцікам, асабліва ў такі няпросты час.

Міжнародная асацыяцыя лёгкаатлетычных федэрацый - сусветная кіруючая арганізацыя ў лёгкай атлетыцы, членамі якой з'яўляюцца 214 краін. Заснавана ў 1912 годзе, штаб-кватэра знаходзіцца ў Манака.-0-

Падпісвайцеся на нас у
Twitter
Топ-навіны
Свежыя навіны Беларусі