29 чэрвеня, Мінск /Кар. БЕЛТА/. Зборная Польшчы стала ўладальніцай бронзы жаночага каманднага турніру па настольным тэнісе на II Еўрапейскіх гульнях, паведамляе карэспандэнт БЕЛТА.
Сёння ў матчы за 3-е месца польскія спартсменкі ва ўпартай барацьбе адолелі саперніц з Венгрыі з лікам 3:2. Вырашальнае ачко полькам прынесла Лі Цян, якая перамагла Шандру Пергель 3:1.
У вырашальным матчы за чэмпіёнскі тытул тэнісісткі Германіі сустрэнуцца з камандай Румыніі.
Вечарам у мінскім Палацы тэніса ў мужчынскім камандным турніры золата будуць аспрэчваць зборныя Германіі і Швецыі. За бронзу паспрачаюцца спартсмены Даніі і Партугаліі. Напярэдадні ў паўфіналах немцы разграмілі партугальцаў з сухім лікам 3:0, а шведы абыгралі датчан з рэзультатам 3:1.-0-