4 верасня, Мінск /Кар. БЕЛТА/. Новую форму нацыянальнай зборнай Беларусі па футболе прадставілі балельшчыкам у Мінску, паведамляе карэспандэнт БЕЛТА.
На пляцоўцы каля Нацыянальнага мастацкага музея Беларусі ўсе жадаючыя змаглі ўбачыць новыя камплекты дамашняй і выязной формы, у якіх нацыянальная каманда будзе праводзіць матчы розыгрышу Лігі нацый УЕФА, а таксама кваліфікацыі чэмпіянату Еўропы 2020 года.
Акрамя прэзентацыі, для балельшчыкаў падрыхтавалі вулічны тэатр, шоу барабаншчыкаў, розныя конкурсы, прапанавалі аквагрым, адбыліся выступленні музыкантаў і аўтограф-сесія вядучых ігракоў. У час прэзентацыі кожны жадаючы змог набыць білеты на бліжэйшыя матчы зборнай, а таксама новую футбольную атрыбутыку нацыянальнай каманды.
Беларускія футбалісты будуць трэніравацца на комплексе футбольных палёў АБФФ, а стартавы матч у групе 2 (пул D) Лігі нацый супраць каманды Сан-Марына правядуць 8 верасня на стадыёне "Дынама" ў 19.00. На наступны дзень зборная Беларусі адправіцца ў Кішынёў, дзе 11 верасня ў 21.45 на стадыёне "Зімбру" сустрэнецца з камандай Малдовы.
Акрамя гэтых каманд, сапернікамі беларусаў будуць футбалісты Люксембурга, першы матч з якімі адбудзецца 12 кастрычніка ў Мінску. Па выніках групавога турніру барацьбу за адзіную пуцёўку ў фінальны этап Еўра-2020 прадоўжаць пераможцы чатырох квартэтаў.-0-
Фота Андрэя Пакумейкі