22 лютага, Пхёнчхан /Кар. БЕЛТА/. Міжнародны спартыўны суд (CAS) пазбавіў расійскіх кёрлінгістаў Аляксандра Крушальніцкага і Настассю Брызгалаву бронзавай узнагароды ў міксце на зімовых Алімпійскіх гульнях за парушэнне антыдопінгавых правіл. Аб гэтым гаворыцца ў прэс-рэлізе суда, паведамляе БЕЛТА.
Такое рашэнне прынята пасля станоўчай допінг-пробы на мельдоній Аляксандра Крушальніцкага. Расследаванне справы расійскага атлета прадаўжаецца і знаходзіцца пад кантролем МАК.
На зімовых Гульнях у Пхёнчхане зафіксавана ўжо тры выпадкі станоўчых допінг-проб. Раней з-за забароненых прэпаратаў у арганізме Алімпіяду пакінулі японскі атлет і хакеіст зборнай Славеніі.-0-
