9 ліпеня, Мінск /Кар. БЕЛТА/. Максім Мірны і Квета Пешке з Чэхіі завяршылі барацьбу ў міксце на Уімблдонскім тэнісным турніры, уступіўшы брытанцам Джэю Кларку і Хэрыет Дарт з лікам 2:6, 6:4, 4:6, паведамляе карэспандэнт БЕЛТА.
Беларуска-чэшскі дуэт у матчы супраць сапернікаў спрабаваў скарыстаць вопыт Максіма Мірнага гульні ля сеткі. Аднак гаспадары корта паспяхова дзейнічалі абводзячымі ўдарамі па лініі і на ўласнай падачы.
Раней вядучы беларускі тэнісіст Максім Мірны перамагаў у міксце на Уімблдоне. Беларус святкаваў поспех у 1998 годзе ў пары з амерыканкай Серэнай Уільямс.-0-
