30 кастрычніка, Мінск /Кар. БЕЛТА/. Мінскае "Дынама" змясціла двух хакеістаў - нападаючага Аляксандра Мацярухіна і абаронца Рамана Дзюкава - у спіс адмоў, паведамілі карэспандэнту БЕЛТА ў прэс-службе каманды.
Падрабязнасці рашэння трэнерскага штаба не паведамляюцца. Адзначым, што форвард застаецца адным з нямногіх хакеістаў "зуброў", які ў бягучым сезоне не мае на сваім рахунку закінутых шайбаў. Прычынай змяшчэння ў спіс Дзюкава могуць быць памылкі маладога іграка ў апошніх гульнях "Дынама" на выездзе. Ігракоў на працягу 48 гадзін можа запрасіць да сябе любы іншы клуб КХЛ.
Месца ў асноўным складзе аднаго з лідараў мінчан варатара Юнаса Энрата ў настаўнікаў не выклікае сумненняў. Галкіпер пасля ўпэўненых дзеянняў на апошнім рубяжы ў складзе "Дынама" атрымаў выклік і ў нацыянальную зборную Швецыі для ўдзелу ў Кубку Кар'яла. Шведы 8 лістапада (пачатак у 20.00) згуляюць з чэхамі, 10 лістапада (19.30) - з канадцамі, 11 лістапада (18.30) - з фінамі.
Мінскае "Дынама" пасля 27 матчаў з 33 ачкамі займае 10-е месца ў турнірнай табліцы Заходняй канферэнцыі. Чарговы матч сезона "зубры" правядуць 31 кастрычніка на сваёй пляцоўцы супраць маскоўскага "Спартака".-0-
