11 лістапада, Мінск /Кар. БЕЛТА/. Урачыстая цырымонія ўручэння сцяга Міністэрству спорту і турызму Беларусі прайшла сёння ў Мінску, перадае карэспандэнт БЕЛТА.
Сцяг кіраўніку спартыўнага ведамства Сяргею Кавальчуку ўручыў першы намеснік кіраўніка Адміністрацыі Прэзідэнта Максім Рыжанкоў, які падкрэсліў важнасць гэтай падзеі. Міністэрства даказала сваю эфектыўнасць і запатрабаванасць, заявіў ён.
"Нарэшце ўзаконены нашы геральдычныя знакі. Сцяг - гэта сімвал нашага міністэрства, які натхніць беларускіх атлетаў на новыя лепшыя вынікі. Мы павінны несці гэты сцяг горда", - сказаў Сяргей Кавальчук. Ён дадаў, што сцяг будуць выстаўляць на спартыўных мерапрыемствах.
Як паведамлялася, Прэзідэнт Беларусі Аляксандр Лукашэнка ўказам нумар 399 зацвердзіў дадатковыя геральдычныя сімвалы Міністэрства спорту і турызму, у прыватнасці, сцяг міністэрства і нагрудны знак узнагароды "За развіццё фізічнай культуры і спорту ў Рэспубліцы Беларусь", якія выкананы ў стылістыцы эмблемы ведамства.-0-
