23 мая, Мінск /Кар. БЕЛТА/. Вядомы аргенцінец Дыега Марадона атрымаў майку брэсцкага "Дынама" на прэс-канферэнцыі ў Абу-Дабі, дзе ён быў прадстаўлены як старшыня праўлення брэсцкага футбольнага клуба, паведамляюць інфармагенцтвы.
Чэмпіён свету-1986 Дыега Марадона расказаў аб тым, што будзе працаваць разам з камандай на стадыёне, даваць "Дынама" ўсё лепшае, каб клуб быў больш канкурэнтаздольным. Ён таксама мае намер працаваць і з маленькімі ігракамі з акадэміі "Дынама". Марадона лічыць неабходным узмацненне складу "Дынама". На заканчэнне вялікі футбаліст атрымаў майку "Дынама" пад нумарам 10 і пацалаваў яе.
Фота з сацыяльных сетак'
Аб падпісанні кантракта з вялікім аргенцінскім футбалістам брэсцкае "Дынама" аб'явіла 15 мая.-0-