26 кастрычніка, Мінск /Кар. БЕЛТА/. У Бразіліі памёр былы ігрок зборнай краіны па футболе Карлас Альберта Торэс. Праслаўлены футбаліст памёр ад сардэчнага прыступу. Яму было 72 гады, паведамляюць інфармагенцтвы.
Торэс з'яўляўся капітанам зборнай Бразіліі, якая стала чэмпіёнам свету ў 1970 годзе. У фінале матчу зборная краіны абыграла італьянцаў з лікам 4:1 - адзін з гэтых галоў забіў Торэс.
Пасля заканчэння футбольнай кар'еры ён працаваў трэнерам і каментатарам, а таксама займаўся палітыкай. З 1989 па 1993 год быў віцэ-старшынёй і першым сакратаром Муніцыпальнага савета Рыа-дэ-Жанэйра ад Дэмакратычнай рабочай партыі. У 2008 годзе балаціраваўся ў віцэ-мэры Рыа-дэ-Жанэйра, але не быў выбраны.-0-
