23 кастрычніка, Мінск /Кар. БЕЛТА/. Дацкая тэнісістка Каралін Вазняцкі (3-і нумар сусветнага рэйтынгу) атрымала першую вікторыю на падагульняючым турніры Жаночай тэніснай асацыяцыі (WTA) у Сінгапуры, паведамляе карэспандэнт БЕЛТА.
Сёння ў стартавым паядынку 2-га тура ў Белай групе прадстаўніца Даніі абыграла Петру Квітаву (5) з Чэхіі - 7:5, 3:6, 6:2. Сустрэча прадаўжалася 2 гадзіны 15 хвілін. У першы гульнявы дзень Каралін Вазняцкі ўступіла чэшцы Караліне Плішкавай (8), а Петра Квітава прайграла ўкраінцы Эліне Світолінай (7). Сёння Плішкава і Світоліна сустракаюцца паміж сабой.
У першым туры спаборніцтваў у Чырвонай групе амерыканка Слоан Стывенс (6) абыграла японку Наомі Осака (4), а галандка Кікі Бертэнс (9) узяла верх над немкай Ангелікай Кербер (2). У сераду, 24 кастрычніка, адбудуцца два наступныя матчы: Ангеліка Кербер - Наомі Осака, Кікі Бертэнс - Слоан Стывенс.
Пасля завяршэння групавога этапу па дзве лепшыя тэнісісткі з кожнага квартэта прадоўжаць барацьбу ў паўфіналах.-0-
