20 лютага, Пхёнчхан /Кар. БЕЛТА/. Канадская фрыстайлістка Кэсі Шарп перамагла ў хафпайпе на зімовых Гульнях у Рэспубліцы Карэя, паведамляе карэспандэнт БЕЛТА.
Найбольш удачна для чэмпіёнкі склалася другая спроба, у якой яна зарабіла 95,80 бала. Другое месца заняла францужанка Мары Марціно - 92,60, а бронзавым прызёрам Алімпіяды стала Брыта Сігурні з ЗША - 91,60 бала.
У лыжным фрыстайле на галоўных стартах чатырохгоддзя ў Пхёнчхане засталося разыграць тры камплекты ўзнагарод у мужчынскім і жаночым скікросе і мужчынскім хафпайпе.-0-
Фота Сіньхуа - БЕЛТА.
