Сцяг Пятніца, 29 сакавіка 2024
Усе навіны
Усе навіны
Спорт
10 лістапада 2017, 09:34

Юныя хакеісты Беларусі і Расіі з перамог стартавалі ў Кубку Прэзідэнцкага спартыўнага клуба

10 лістапада, Мінск /Кар. БЕЛТА/. Юныя хакеісты Беларусі і Расіі з перамог стартавалі ў адзінаццатым міжнародным турніры "Кубак Прэзідэнцкага спартыўнага клуба" сярод ігракоў да 17 гадоў, паведамляе карэспандэнт БЕЛТА.

Гаспадары пляцоўкі ва ўпартай барацьбе ў першым туры былі мацнейшымі за сапернікаў з Латвіі - 5:4. Асноўны час гульні на малой пляцоўцы "Чыжоўка-Арэны" завяршыўся з лікам 4:4. Падапечным Яўгена Есаулава давялося адыгрывацца, уступаючы 1:4 пасля двух перыядаў. У ходзе сустрэчы у беларусаў дакладнымі кідкамі вызначыліся Уладзімір Алістраў, які забіў галявы дубль, Антон Сядоў, Ягор Буяльскі. Вырашальны кідок у серыі булітаў у актыве Алега Качалоўскага.

Каманда Расіі на старце спаборніцтваў была мацнейшай за Славакію - 8:0.

У другім туры, 10 лістапада, згуляюць Расія - Латвія (11.45) і Славакія - Беларусь (15.00). Завершыцца міжнародны турнір 11 лістапада. За час правядзення спаборніцтваў пераможцамі шэсць разоў станавіліся хакеісты Расіі, тры - Беларусі, і адзін раз поспех святкавала юніёрская зборная Латвіі.

Арганізатарамі турніру выступаюць рэспубліканскае дзяржаўна-грамадскае аб'яднанне "Прэзідэнцкі спартыўны клуб", Мінскі гарадскі выканаўчы камітэт, асацыяцыя "Федэрацыя хакея Рэспублікі Беларусь".-0-

Падпісвайцеся на нас у
Twitter
Топ-навіны
Свежыя навіны Беларусі