Мабільная версія
ДЗЯРЖОРГАНЫ
Апошнія навіны
Усе навіны

Юлія Несцярэнка аб'явіла аб завяршэнні спартыўнай кар'еры

Спорт 19.05.2017 | 17:50
Фота з архіва
Фота з архіва

19 мая, Брэст /Кар. БЕЛТА/. Алімпійская чэмпіёнка Юлія Несцярэнка афіцыйна аб'явіла аб завяршэнні спартыўнай кар'еры, паведаміў карэспандэнту БЕЛТА старшы трэнер нацыянальнай каманды Беларусі па лёгкай атлетыцы Анатоль Стацкяевіч.

Легендарная "белая маланка" заваявала залаты медаль у бегу на 100 м на летніх Алімпійскіх гульнях у Афінах у 2004 годзе. Практычна праз 13 гадоў пасля гэтай падзеі Юлія Несцярэнка аб'явіла аб завяршэнні кар'еры. Урачыстыя провады алімпійскай чэмпіёнкі адбудуцца ў час Кубка Беларусі па лёгкай атлетыцы, які пройдзе ў Брэсце з 30 мая па 1 чэрвеня. Ушанаванне лёгкаатлеткі адбудзецца ў час адкрыцця спаборніцтваў 31 мая на стадыёне "Брэсцкі".

У 13.00 Юлія Несцярэнка ў форме, у якой яна атрымала перамогу на стаметроўцы ў Афінах, выйдзе на развітальны старт. Яна прыме ўдзел у сімвалічным забегу на сваёй кароннай дыстанцыі. Бегчы чэмпіёнка будзе ў кампаніі пачынаючых спартсменак, якія, як і яна, з'яўляюцца выхаванкамі Брэсцкай абласной спецыялізаванай дзіцяча-юнацкай школы алімпійскага рэзерву. "Тыя, хто бачыў яе перамогу ў 2004 годзе, сталі сведкамі ўнікальнай падзеі. Юлія Несцярэнка ўнесла вялікі ўклад у развіццё беларускага спорту. Спадзяёмся, што выхавалі дастойную змену нашай праслаўленай чэмпіёнцы", - адзначыў Анатоль Стацкяевіч.

Цырымонія ўшанавання прадоўжыцца ў Брэсцкім гарвыканкаме. Юлія Несцярэнка з'яўляецца ганаровым грамадзянінам горада Брэста. Таксама за сваю кар'еру яна ўдастоена мноства дзяржаўных і спартыўных узнагарод.-0-

Версія для друку
Навіны рубрыкі Спорт
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Гандаль у святочныя дні Магазінам Мінска з 15 снежня па 15 студзеня рэкамендавана працаваць без закрыцця на рамонт і санітарны дзень.