Мабільная версія
ДЗЯРЖОРГАНЫ
Апошнія навіны
Усе навіны

Хакеісты Швецыі заваявалі залатыя медалі чэмпіянату свету ў Даніі

Спорт 21.05.2018 | 15:01
Фота IIHF
Фота IIHF

21 мая, Мінск /Кар. БЕЛТА/. Хакеісты Швецыі заваявалі залатыя медалі чэмпіянату свету па хакеі, яны абыгралі ў вырашальным турніры ў Капенгагене сапернікаў са Швейцарыі ў серыі булітаў з лікам 3:2 (1:1, 1:1, 0:0, 0:0, 1:0), паведамляе карэспандэнт БЕЛТА.

Фінальны матч у сталіцы Даніі атрымаўся адным з самых напружаных на турніры. Фаварытам у барацьбе за ўзнагароды шведам давялося двойчы адыгрывацца ў ходзе паядынку. Швейцарцы засталіся вернымі сваёй тактыцы, якая прынесла ім поспех у матчы з Канадай. Альпійская дружына старалася максімальна выкарыстоўваць свае магчымасці, актыўна прэсінгаваць сапернікаў і не дапускаць памылак у сваёй зоне абароны. Адзін з лідараў швейцарцаў Ніна Нідэрайтэр адкрыў лік на 17-й мінуце першага перыяду, але яшчэ да перапынку намаганнямі Густава Нюквіста шведы аднавілі раўнавагу - 1:1.

Пасля адпачынку Ціма Меер другі раз паразіў вароты "Трэ крунур". Скандынавы ў хуткім часе адказалі магутным кісцевым кідком Мікі Зібанежада пад перакладзіну - 2:2. Гэтыя лічбы засталіся нязменнымі да завяршэння асноўнага часу матчу і авертайма.

У серыі булітаў перамогу шведам прынёс Філіп Форсберг - 3:2.

Зборная Швецыі абараніла тытул чэмпіёна свету, які яна таксама выйграла ў 2017 годзе. Скандынаўская дружына 11-ы раз у сваёй гісторыі стала ўладальнікам залатых узнагарод сусветнага форуму.-0-

Версія для друку
Навіны рубрыкі Спорт
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Стадыён "Дынама" Стадыён "Дынама" быў афіцыйна адкрыты 12 чэрвеня 1934 года, рэканструяваны ў 1939 годзе, разбураны ў час Вялікай Айчыннай вайны. Новы стадыён пабудаваны ў 1947-1954 гадах.