1 лістапада, Мінск /Кар. БЕЛТА/. Хакеісты мінскага "Дынама" на дамашняй пляцоўцы атрымалі перамогу над маскоўскім "Спартаком" з лікам 5:4 у серыі булітаў, паведамляе карэспандэнт БЕЛТА.
На старце дзясятага сезона КХЛ абедзве каманды сустракаліся ў Маскве. "Спартак" 2 верасня быў мацнейшы (1:0), закінуўшы вырашальную шайбу таксама ў серыі пасляматчавых кідкоў.
Мінчане, якія не вызначаюцца асаблівай рэзультатыўнасцю ў бягучым чэмпіянаце, у мінулым матчы на сваёй пляцоўцы парадавалі балельшчыкаў эфектнымі галамі.
"Дынама-Мінск" - "Спартак" (Масква) - 5:4 (па булітах, 0:1, 3:2, 1:1, 0:0, 1:0).
Мінск. "Мінск-Арэна". 12 994 гледачы.
"Дынама-Мінск": Энрат (Карнавухаў); Граньяні - Дзянісаў (к), Скіле - Хаўдэн - Фантэйн; Корабаў - Шынкевіч, Лінгле - Кітараў - Паўловіч; Хенкель - Знахарэнка, Дрозд - Волкаў - Гаўрус; Кулакоў - Шаранговіч - Сцяпанаў; Усціненка, Буйніцкі.
"Спартак": Бяспалаў (Трушкоў); Калінін (к) - Кулік, Лешчанка - Стоа - Радзіл; Осіпаў - Пепяляеў, Падшандзялаў - Дзергачоў - Хахлачоў; Лаюнен - Провальнеў, Ніканцаў - Чарных - Трунеў; Баброў - Варонін - Кузняцоў; Бондараў, Пярвоў.
Шайбы: 0:1 - Кузняцоў (Варонін, 12.18). 0:2 - Провальнеў (Хохлачоў, Лаюнен, 22.15). 1:2 - Кітараў (Усціненка, Сцяпанаў, 32.45, у большасці). 2:2 - Сцяпанаў (Шаранговіч, Знахарэнка, 34.37). 3:2 - Хенкель (Сцяпанаў, Шаранговіч, 36.47). 3:3 - Хахлачоў (39.59, у большасці). 4:3 - Скіле (Фантэйн, Граньяні, 49.00, у большасці). 4:4 - Пепяляеў (Варонін, 57.46). 5:4 - Шаранговіч (65.00, вырашальны буліт).
Кідкі: 36-40.
Штраф: 14-10.
Да сярэдзіны гульні на "Мінск-Арэне" разлічваць на вялікую колькасць шайбаў паклоннікам "Дынама" не даводзілася. У прысутнасці галоўнага трэнера нацыянальнай зборнай Дэйва Льюіса, тэнісіста Максіма Мірнага, які наведаў гульню, "зубры" ў нападзенні дзейнічалі не так эфектыўна. На 12-й мінуце першага перыяду шайба пабывала ў варотах спартакаўцаў, але арбітры не залічылі гол. На думку суддзяў Джасцін Фантэйн згуляў у гэтым эпізодзе рукой. Не прайшло і мінуты, як лік у матчы ўсё ж быў адкрыты. Форвард гасцей Аляксандр Кузняцоў выехаў з-за варот Юнаса Энрата і перайграў галкіпера дынамаўцаў.
Самымі рэзультатыўнымі сталі другія дваццаць мінут матчу. Спачатку спартакаўцы намаганнямі Уладзіслава Провальнева павялічылі сваю перавагу ў ліку - 2:0. Гаспадары пляцоўкі змаглі перахапіць ініцыятыву пасля выдалення ў масквічоў Яўгена Куліка. На 33-й мінуце Аляксандр Кітараў удачна падставіў клюшку пад кідок партнёра. Яшчэ праз дзве мінуты падобную шайбу ў вароты гасцей правёў Андрэй Сцяпанаў - 2:2. У хуткім часе нападаючы "Дынама" Крысціян Хенкель дакладным кідком вывеў гаспадароў наперад - 3:2.
Утрымаць перавагу ў ліку дынамаўцы ўсё ж не змаглі. Перад самым перапынкам дзве мінуты выдалення за падножку атрымаў Ілья Шынкевіч. За секунду да сірэны аб заканчэнні перыяду Аляксандр Хахлачоў своечасова згуляў на дабіванні ля варот мінчан - 3:3.
У заключныя дваццаць мінут сустрэчы падапечным Гордзі Дуаера давялося вытрымаць няпросты адрэзак. Гаспадары атрымалі адразу тры выдаленні запар, але варатар Юнас Энрат і тройка абаронцаў на чале з капітанам Уладзімірам Дзянісавым выстаялі ў гэты складаны перыяд. На 49-й мінуце парушэнне правіл у зоне дынамаўцаў дапусціў Раян Стоа, які штурхнуў Уладзіміра Дзянісава клюшкай. Гэтай спрыяльнай сітуацыяй для ўзяцця варот мінчане змаглі скарыстацца. З перадачы Джасціна Фантэйна чацвёрты гол у вароты "Спартака" правёў Джэк Скіле - 4:3. Аднак дабіцца перамогі ў асноўны час гаспадарам не ўдалося. Спартакавец Аляксей Пепяляеў нанёс дакладны кідок менш як за дзве мінуты да сірэны аб заканчэнні трэцяга перыяду і перавёў гульню ў авертайм, дзе пераможцу выявіць не ўдалося. У серыі булітаў мацнейшымі аказаліся дынамаўцы. Вырашальны кідок нанёс па варотах "Спартака" Ягор Шаранговіч.
"Цудоўна ведалі, чаго чакаць ад "Спартака", добра, што змаглі адыграцца, уступаючы 0:2. Валявая перамога важна для мінчан", - адзначыў пасля гульні галоўны трэнер "Дынама" Гордзі Дуаер.
Чарговы дамашні матч у дзясятым сезоне КХЛ мінскае "Дынама" правядзе 4 лістапада з чарапавецкай "Поўначсталлю".-0-
Фота Андрэя Пакумейкі
