Мабільная версія
ДЗЯРЖОРГАНЫ
Апошнія навіны
Усе навіны

Хакеісты "Дынама" паражэннем ад хабараўскага "Амура" завяршылі выязную серыю ў чэмпіянаце КХЛ

Спорт 20.11.2017 | 18:13
Фота ХК "Дынама-Мінск"
Фота ХК "Дынама-Мінск"

20 лістапада, Мінск /Кар. БЕЛТА/. Хакеісты "Дынама" паражэннем ад хабараўскага "Амура" з лікам 2:3 (0:0, 0:2, 2:0, 0:1) завяршылі выязную серыю ў дзясятым чэмпіянаце КХЛ, паведамляе карэспандэнт БЕЛТА.

"Амур" у бягучым сезоне прэтэндуе на выхад у плэй-оф, дзе каманда з Хабараўскага краю не выступала з 2012 года, і ў родных сценах стараецца набраць максімум ачкоў. Тым больш дамашняя пляцоўка "тыграў" у "Плацінум-Арэне" меншая за іншыя па памерах у КХЛ і створана па стандартах Нацыянальнай хакейнай лігі. Гэты фактар улічвае кожная каманда, якая прыязджае ў Хабараўск.

"Амур" (Хабараўск) - "Дынама-Мінск" - 3:2 (0:0, 2:0, 0:2, 1:0)

Хабараўск. "Плацінум-Арэна". 6021 глядач.

"Амур": Метсала (Алікін); Аверын - Коларж (к), Зогарна - Бывальцаў - Лі; Хабараў - Кандрацьеў, У. Ушэнін - В. Ушэнін - Гаршкоў; Кузьмін - Ёрдан, Пацехін - Расказаў - Літоўчанка; Фралоў - Клопаў - Кацуба; Юртайкін, Янчэўскі.

"Дынама-Мінск": Энрат (Карнавухаў); Граньяні - Дзянісаў (к), Лінгле - Хаўдэн - Фантэйн; Корабаў - Шынкевіч, Гаўрус - Шаранговіч - Паўловіч; Знахарэнка - Хенкель, Кулакоў - Кавыршын - Сцяпанаў; Дрозд - Волкаў - Буйніцкі; Дзюкаў, Карабань.

Шайбы: 1:0 - Зогарна (Бывальцаў, 23.11). 2:0 - У. Ушэнін (Коларж, В. Ушэнін, 26.25). 2:1 - Хаўдэн (Фантэйн, Лінгле, 42.59). 2:2 - Сцяпанаў (Граньяні, Кавыршын, 46.22, у большасці). 3:2 - Лі (Бывальцаў, Коларж, 63.49).

Кідкі: 33 -27.

Штраф: 4 - 6.

Першы перыяд сустрэчы прайшоў без відавочнай перавагі якой-небудзь з каманд. Гаспадары запомніліся толькі тым, што трапілі ў штангу, у той час як госці, якія завяршалі выязную серыю, стараліся згуляць упэўнена ў абароне. Свае магчымасці хабараўчане рэалізавалі ў другую дваццацімінутку гульні.

На 24-й хвіліне "Амуру" ўдалася хуткая контратака. З кідком галкіпер Юнас Энрат справіўся, але абаронца гасцей Марк-Андрэ Граньяні няўдала згуляў на сваім пятачку, шайба адскочыла назад - 1:0. На хвалі поспеху гаспадары пляцоўкі прадоўжылі актыўна дзейнічаць у нападзенні. У адным з эпізодаў дынамаўцам давялося абараняцца супраць шасці сапернікаў. У "зуброў" быў адкладзены штраф, і гаспадары замянілі варатара шостым палявым іграком. У выніку камбінацыя братоў Ушэніных завяршылася другім узяццем варот беларускай каманды.

Прыкметна лепш дынамаўцы правялі трэці перыяд. Гэтаму садзейнічаў і хуткі гол. Праз тры хвіліны пасля перапынку Куінтан Хаўдэн зрабіў сольны праход да варот Юхі Метсалы і скараціў адставанне ў ліку - 1:2. Праз чатыры хвіліны пасля выдалення ў "Амура" Станіслава Кацубы, "зубрам" удалося рэалізаваць большасць. Магутны і дакладны кідок пад перакладзіну нанёс Андрэй Сцяпанаў - 2:2. Гаспадары не хацелі страчваць ачкі на дамашняй пляцоўцы і значна ўзмацнілі націск на вароты Юнаса Энрата. Уладзіслаў Ушэнін выйшаў з галкіперам мінчан, але не змог вызначыцца закінутай шайбай.

У дадатковыя пяць хвілін сустрэчы ў Хабараўску ў фармаце "тры на тры" шанц вызначыцца мелі абедзве каманды, але сваёй магчымасцю скарысталіся гаспадары. Нападаючы Алег Лі выйшаў з Юнасам Энратам і абыграў варатара гасцей - 3:2.

Мінскае "Дынама" вяртаецца дадому, дзе каманду чакаюць важныя матчы з клубамі Усходняй канферэнцыі КХЛ. 24 лістапада на лёдзе "Мінск-Арэны" падапечныя Гордзі Дуаера сустрэнуцца з омскім "Авангардам" беларускага трэнера Андрэя Скабелкі. 26 лістапада "зуброў" чакае дамашняе процістаянне з "Сібір'ю".-0-

Версія для друку
Навіны рубрыкі Спорт
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Праект стратэгіі "Навука і тэхналогіі: 2018-2040" Праект стратэгіі "Навука і тэхналогіі: 2018-2040" - адзін з ключавых дакументаў, які будзе вынесены на II З'езд вучоных Беларусі.