11 жніўня, Мінск /Кар. БЕЛТА/. Хакеісты "Дынама-Маладзечна" ў авертайме абыгралі на выездзе салігорскі "Шахцёр" з лікам 3:2 на папярэдняй стадыі Кубка Беларусі - Кубка Салея, паведамляе карэспандэнт БЕЛТА.
Гарнякі зраўнавалі лік у канцы трэцяга перыяду асноўнага часу сустрэчы - 2:2. Аднак у дадатковы час Эдуард Грынь на 63-й мінуце нанёс дакладны кідок па варотах "Шахцёра". У гэтым матчы ў складзе "Дынама-Маладзечна" прыняў удзел таксама галкіпер Сцяпан Гарачэўскіх, які ў міжсезонне падпісаў двухбаковы кантракт з мінскім "Дынама".
У іншых матчах папярэдняй стадыі Кубка Салея "Юнацтва" было мацнейшае за хакеістаў каманды "Беларусь U-20" - 4:3, "Нёман" адолеў "Віцебск" - 5:2. "Брэст" на сваёй пляцоўцы быў мацнейшы за бялградскую "Црвену Зорку" - 3:1, якая таксама прымае ўдзел у турніры.
Наступныя матчы ў розыгрышы Кубка Салея адбудуцца 12 жніўня. Завершыцца папярэдняя стадыя 26 жніўня.-0-