14 жніўня, Мінск /Кар. БЕЛТА/. Нападаючыя Андрэй Бялевіч і Віктар Туркін, якія праходзілі прагляд у мінскім "Дынама", вяртаюцца ў беларускую экстралігу. Такое рашэнне прыняў трэнерскі штаб мінчан, паведамілі карэспандэнту БЕЛТА ў прэс-службе клуба.
Андрэй Бялевіч прадоўжыць выступленне ў "Дынама-Маладзечна", а Віктар Туркін - у салігорскім "Шахцёры". Абодва ігракі правялі за "Дынама" два матчы на турніры ў Ніжнім Ноўгарадзе. Віктар Туркін вызначыўся рэалізаваным булітам, але нападаючыя не змаглі замацавацца ў асноўным складзе. Гордзі Дуаер і яго памочнікі прадоўжаць сачыць за Бялевічам і Туркіным.
У складзе дынамаўцаў засталося 28 хакеістаў, якія прадоўжаць рыхтавацца да другога перадсезоннага турніру ў Рызе, што пройдзе з 21 па 26 жніўня. У саперніках "зуброў" мясцовае "Дынама", швейцарскі "Давос", казанскі "Ак Барс" і яраслаўскі "Лакаматыў". -0-
