Мабільная версія
ДЗЯРЖОРГАНЫ
Апошнія навіны
Усе навіны

Гоншчык "МАЗ-СПОРТаўта" Вязовіч фінішаваў чацвёртым на пятым этапе "Дакара"

Спорт 11.01.2018 | 11:16
Аўтамабіль Сяргея Вязовіча. Фота МАЗ
Аўтамабіль Сяргея Вязовіча. Фота МАЗ

11 студзеня, Мінск /Кар. БЕЛТА/. Пілот беларускай каманды "МАЗ-СПОРТаўта" Сяргей Вязовіч фінішаваў чацвёртым на пятым этапе ралі-рэйду "Дакар", паведамляе карэспандэнт БЕЛТА.

Спецучастак у пясчаных дзюнах паміж гарадамі Сан Хуан дэ Маркона і Арэкіпе беларускі экіпаж у складзе Сяргея Вязовіча і штурмана Паўла Гараніна пераадолеў упэўнена, уступіўшы толькі пераможцу з расійскага "КамАЗа" Эдуарду Нікалаеву шэсць мінут на фінішы. Час пераможцы - 3 гадзіны 37 мінут 12 секунд.

Пасля завяршэння гонкі арганізатарамі і суддзямі былі перагледжаны папярэднія вынікі этапу. Расійскім гоншчыкам "КамАЗа" Дзмітрыю Сотнікаву і Айрату Мардзееву, якія праявілі дух fair play і дапамаглі аўтамабілям, якія трапілі ў аварыю, вярнулі затрачаны час. У выніку Вязовіч з другога месца перамясціўся на чацвёртую пазіцыю. Не ўдалося пазбегнуць аварыі і лідару Эдуарду Нікалаеву, які на адным з адрэзкаў трасы паклаў на бок свой КамАЗ у глыбокіх пясках. На дапамогу яму своечасова падаспеў Марцін Каломы на "Татры".

Яшчэ два беларускія экіпажы фінішавалі ў ліку 20 мацнейшых. Аляксандр Васілеўскі стаў восьмым - +22 мінуты. Аляксей Вішнеўскі заняў 11-е месца - +29 мінут.

У генеральнай класіфікацыі грузавікоў першае месца пасля пяці этапаў у Эдуарда Нікалаева, на другой пазіцыі аргенцінец Федэрыка Вілагра. Трэцяе месца ўтрымлівае Сяргей Вязовіч, які на 2 гадзіны і 28 мінут адстае ад лідара. За беларусам ідзе чэх Марцін Мацык на ЛіАЗе, які менш як гадзіну ўступае Сяргею Вязовічу.

Бягучы ралі-рэйд прызнаны адным з самых складаных. На пятым этапе барацьбу за галоўны прыз ("залатога бедуіна") завяршылі два знакавыя гоншчыкі - галандзец Марцін Ван дэн Брынк і чэх Алеш Лопрайс.

На шостым этапе аўтакараван "Дакара" пераадолее больш за 400 км і прыбудзе ў буйнейшы горад Балівіі Ла-Пас, дзе пачнецца высакагорны адрэзак гонкі.

Беларускія гоншчыкі ўдзельнічаюць у ралі-рэйдзе "Дакар" сёмы раз. Уладальнікам каманды выступае Мінскі аўтазавод, тэхнічным партнёрам - тэлекам-аператар velcom. Асноўная мэта - увайсці ў лік мацнейшых экіпажаў па выніках ралі ў заліку грузавікоў. Марафон у гэтым годзе праходзіць па тэрыторыі трох краін - Перу, Балівіі і Аргенціны. Працягласць толькі скорасных участкаў складае 3,5 тыс. км, прычым большая частка маршруту прыпадае на высакагор'е. Завершыцца гонка 20 студзеня ў аргенцінскай Кордабе.-0-

Версія для друку
Навіны рубрыкі Спорт
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Традыцыі Яблычнага Спаса Яблычны Спас прыпадае на 19 жніўня. Гэта другі па ліку Спас, што ідзе за Мядовым Спасам (14 жніўня) і папярэднічае Палатнянаму (29 жніўня).