Сцяг Аўторак, 19 сакавіка 2024
Усе навіны
Усе навіны
Спорт
16 жніўня 2018, 14:48

Футбольная зборная Беларусі займае 78-е месца ў новым рэйтынгу ФІФА

16 жніўня, Мінск /Кар. БЕЛТА/. Зборная Беларусі займае 78-е месца ў абноўленым рэйтынгу Міжнароднай федэрацыі футбола (ФІФА), паведамляе БЕЛТА са спасылкай на сайт ФІФА.

З часу папярэдняга рэйтунгу, які быў абнародаваны 7 чэрвеня, каманда Ігара Крывушэнкі правяла адзін матч, уступіўшы ў Тамперы футбалістам Фінляндыі з лікам 0:2. Цяпер у зборнай Беларусі 1306 ачкоў. Сапернікі беларусаў па групавым этапе Лігі нацый знаходзяцца на такіх пазіцыях: 85 - Люксембург (1286 ачкоў), 175 - Малдова (957), 203 - Сан-Марына (876). Стартавы паядынак новага турніру пад эгідай УЕФА зборная Беларусі правядзе 8 верасня на мінскім стадыёне "Дынама" супраць каманды Сан-Марына.

Жнівеньскі рэйтынг ФІФА ўзначальвае чэмпіён свету зборная Францыі, на другой пазіцыі ўладальнік бронзы ЧС-2018 каманда Бельгіі, трэцяе месца ў бразільцаў, віцэ-чэмпіёны планеты харваты знаходзяцца на 4-й пазіцыі.

Топ-10 рэйтынгу ФІФА:

1. Францыя - 1726 ачкоў,

2. Бельгія - 1723,

3. Бразілія - 1657,

4. Харватыя - 1643,

5. Уругвай - 1627,

6. Англія - 1615,

7. Партугалія - 1599,

8. Швейцарыя - 1597,

9-10. Іспанія - 1580,

9-10. Данія - 1580.

З краін былога Савецкага Саюза найбольш высокі рэйтынг у футбалістаў Украіны - 35-е месца (1468 балаў), гаспадары нядаўняга сусветнага першынства расіяне займаюць 49-ю пазіцыю (1410).

Наступны рэйтынг ФІФА абнародуе 20 верасня.-0-

Падпісвайцеся на нас у
Twitter
Топ-навіны
Свежыя навіны Беларусі