11 кастрычніка, Мінск /Кар. БЕЛТА/. Футбалісты зборнай Беларусі прайгралі камандзе Францыі з лікам 1:2 у заключным матчы адборачнага турніру чэмпіянату свету-2018. Французы занялі першае месца ў групе А і атрымалі пропуск у фінальны турнір сусветнага першынства ў Расіі, паведамляе карэспандэнт БЕЛТА.
Францыя - Беларусь - 2:1 (2:1).
10 кастрычніка. Парыж. "Стад дэ Франс". 80 000 гледачоў.
Суддзя - Х.Азках'я (Турцыя).
Францыя: Ларыс; Сідзібе, Варан, Юмціці, Дзінье, Коман (Мбапе, 61), Талісо, Мацюідзі, Лемар (Пает, 83), Жыру, Грызман (Сісако, 78).
Беларусь: Чэрнік; Мацвейчык, Янушкевіч (Сачыўка, 46), Палітэвіч, М.Валадзько, Драгун, Корзун (Быкаў, 79), Кавалёў (Скавыш, 65), Карніцкі, Стасевіч, Сарока.
Галы: 1:0 - Грызман (27). 2:0 - Жыру (33), 2:1 - Сарока (43).
Папярэджанні: Корзун, М.Валадзько, Мацвейчык, Сідзібе.
Гаспадары поля, якім перамога гарантавала выхад у фінальную стадыю сусветнага першынства, стараліся як мага хутчэй адкрыць лік. Аднак гэтага не адбылося - госці ўмела пабудавалі абарончыя парадкі і пры любой магчымасці адказвалі вострымі контратакамі. І ўсё ж больш высокі клас французаў праявіўся, і на 27-й мінуце гульні Антуан Грызман накіраваў першы мяч у вароты Сяргея Чэрніка.
У хуткім часе грубую памылку дапусціў Станіслаў Драгун, якой скарыстаўся Аліўе Жыру - 2:0. Але беларусы прадаўжалі шукаць свой шанц ля чужых варот. На 43-й мінуце іх настойлівасць была ўзнагароджана: дэбютант нацыянальнай зборнай Юрый Кавалёў зрабіў перадачу з правага фланга, якую замкнуў Антон Сарока - 2:1. Пасля перапынку падапечныя Ігара Крывушэнкі ні ў чым не ўступалі сапернікам, стварыўшы некалькі небяспечных момантаў ля варот Уга Ларыса, але мяч пасля ўдараў Сарокі ў цэль не трапіў, і рэзультат не змяніўся. Другі тайм каманда Ігара Крывушэнкі правялі зусім нядрэнна, паказаўшы, што яна можа на роўных змагацца з мацнейшымі апанентамі.
Другое месца ў групе А заняла зборная Швецыі, якая ў Амстэрдаме ўступіла галандцам 0:2, але абышла іх у турнірнай табліцы па лепшай розніцы забітых і прапушчаных мячоў. Футбалісты Балгарыі згулялі ўнічыю ў гасцях у Люксембурга - 1:1.
Падагульняючае становішча: Францыя - 23 ачкі (розніца мячоў - 18-6), Швецыя - 19 (26-9), Нідэрланды - 19 (21-12), Балгарыя - 13 (14-19), Люксембург - 6 (8-26), Беларусь - 5 (6-21).-0-
