Мабільная версія
ДЗЯРЖОРГАНЫ
Апошнія навіны
Усе навіны

Футбалісты кіеўскага "Дынама" прайгралі "Лацыа" і завяршылі выступленне ў Лізе Еўропы

Спорт 16.03.2018 | 12:57
Фота Reuters
Фота Reuters

16 сакавіка, Мінск /Кар. БЕЛТА/. Футбалісты кіеўскага "Дынама" прайгралі на сваім полі італьянскаму "Лацыа" з лікам 0:2 і завяршылі выступленне ў Лізе Еўропы, паведамляе карэспандэнт БЕЛТА.

Матч у адказ 1/8 фіналу еўракубка ў Кіеве для падапечных беларускага спецыяліста Аляксандра Хацкевіча склаўся няўдала. Пасля нічыйнага зыходу процістаяння ў Рыме (2:2) шанцы кіяўлян на выхад у наступны круг турніру былі большыя. Аднак у Кіеве ў першым тайме Лукас на 23-й мінуце адкрыў лік, а ў другім тайме Стэфан дэ Врэй пасля розыгрышу вуглавога здолеў павялічыць перавагу рымлян - 2:0.

Піцерскі "Зеніт" у родных сценах не змог перамагчы нямецкі "Лейпцыг". Асноўныя падзеі матчу ў Санкт-Пецярбургу разгарнуліся ў першым тайме. Госці адкрылі лік намаганнямі Жан-Кевіна Агустэна. Расійская каманда перад самым перапынкам пасля дакладнага ўдару Себасцьяна Дрыусі зраўнавала лік - 1:1. Пасля адпачынку "Лейпцыг" на 82-й мінуце атрымаў права на пенальці, але Ціма Вернер не здолеў перамагчы галкіпера "Зеніта". Першы матч у Германіі завяршыўся перамогай "Лейпцыга" (2:1), які і выйшаў у наступны круг Лігі Еўропы.

Завяршыў барацьбу на еўраарэне і маскоўскі "Лакаматыў", які ўступіў на сваім полі мадрыдскаму "Атлетыка" - 1:5. Іспанскі "Атлетык" з Більбаа прайграў "Марселю" - 1:2.-0-

Версія для друку
Навіны рубрыкі Спорт
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Экспарт прадукцыі АПК Экспарт беларускай сельгаспрадукцыі ў студзені-маі вырас на 6,5% і дасягнуў $2,071 млрд.