10 ліпеня, Мінск /Кар. БЕЛТА/. На чэмпіянаце свету па футболе ў Расіі сёння стане вядомы першы ўдзельнік фіналу, паведамляе карэспандэнт БЕЛТА.
У Санкт-Пецярбургу ў 21.00 зборная Францыі згуляе з камандай Бельгіі. Гэта сустрэча будзе паказана ў прамым эфіры тэлеканала "Беларусь 5".
Другі паўфінал адбудзецца 11 ліпеня ў Маскве - Англія - Харватыя.
Пераможцы паўфінальных сустрэч 15 ліпеня на полі маскоўскага стадыёна "Лужнікі" згуляюць у галоўным паядынку за Кубак свету, а прайграўшыя 14 ліпеня ў Санкт-Пецярбургу разыграюць бронзу сусветнага першынства.-0-
