19 верасня, Мінск /Кар. БЕЛТА/. Футбалісты барысаўскага БАТЭ перамаглі ў гасцях "Іслач" 2:0 у заключным паядынку 22-га тура чэмпіянату Беларусі, паведамляе карэспандэнт БЕЛТА.
Гульня на полі ФК "Мінск" прайшла з невялікай перавагай дзеючых чэмпіёнаў краіны. Барысаўчане не фарсіравалі падзеі і адкрылі лік у самай канцоўцы першага тайма, калі хуткую контратаку завяршыў Мікалай Сігневіч. Ён жа стаў аўтарам другога гола на 60-й мінуце гульні, прычым таксама пасля вострай контратакуючай камбінацыі.
Рэзультаты астатніх матчаў 22-га тура:
"Дынама" (Мінск) - "Мінск" - 1:0,
"Нафтан" (Наваполацк) - "Нёман" (Гродна) – 3:2,
"Славія" (Мазыр) - "Шахцёр" (Салігорск) - 0:3,
"Крумкачы" (Мінск) - "Тарпеда-БелАЗ" (Жодзіна) - 0:3,
"Віцебск" - "Гомель" - 1:0,
"Днепр" (Магілёў) - "Гарадзея" - 2:2,
"Слуцк" - "Дынама" (Брэст) - 1:0.
У лідзіруючай групе становішча такое: "Дынама" (Мінск) - 52 ачкі (розніца мячоў - 33-11), "Шахцёр" - 50 (35-13), БАТЭ - 48 (38-11).
Бамбардзірскую гонку ўзначальвае форвард БАТЭ Міхаіл Гардзяйчук, у актыве якога 11 забітых мячоў.
У наступным туры сустракаюцца:
22 верасня
"Гомель" - "Днепр",
"Дынама" (Брэст) - "Дынама" (Мінск).
23 верасня
"Шахцёр" - "Іслач",
БАТЭ - "Слуцк".
24 верасня
"Славія" - "Крумкачы",
"Мінск" - "Віцебск",
"Гарадзея" - "Нафтан",
"Нёман" - "Тарпеда-БелАЗ".-0-